એક ડગલું ઘણું છે
સૂર્ય, ચંદ્ર, તારા ઘણાં છે આભ મહીં;
આશાદિપ્તી રશ્મિ બનું તો ઘણું છે.
તપ્ત થયેલી મન-ધરા પ્રખર અગન મહીં;
પ્રથમ વર્ષાની હેલી બનું તો ઘણું છે.
ભોગપ્રચુર સ્વાર્થાંધ થયેલી માનવતા;
પંક મહીં જો પદ્મ બનું તો ઘણું છે.
ઉત્તુંગ શિખર વાદળ મહીં ગગન આંબતા;
પ્રગતિ-પથ પર એક ડગલું ભરું તો ઘણું છે.
અનંત વેગે વિસ્તરતા વિશ્વ મહીં;
આત્મવિજય અર્થે અંતર્મુખ બનું તો ઘણું છે.
ઘોર નિશા ને ધુમ્મસ વ્યાપે અંતર મહીં;
સૂર્ય-તનય પ્રકાશ-પુંજ દીપક બનું તો ઘણું છે.
~ સિદ્ધાર્થ મિસ્ત્રી
x
Comments